Home » festival » Festival 2017

Festival 2017

የበጋ ፌስቲቫላችን ቀን ደርሷል።-
ውድ የቫንኮቨር ነዋሪ ኢትዮጵያውያን በሙሉ።የዘንድሮው አመታዊ የበጋ ክብረበአላችን በሚመጣው ጁላይ 15/2017 እንደሚውል አረጋግጠናል።ዘለግ ያለ ጊዜ ያለን ቢመስልም ሁሉንም ነገር በጊዜ ጀምረው ጨርሰው ካልሰሩት እለቱ ከስራችን ገብቶ እናገኘዋለን። በመጨረሻዋ ሰአት መሯሯጥ አንዱን ጥሎ አንዱን ማንሳት እንዳይሆን በጊዜ እናስብበት።የበአሉ ቀን የንግድ ስራ ማካሄድ የምትፈልጉ ሰዎች የቦታና የድንኳን ኪራይ ጥያቄያችሁን ካሁን ጀምሮ በማመልከቻ አስገቡ ። የማመልከቻውን ፎርም የኮሚኒቲያችን ድረመስክ ላይ ሄዳችሁ( vendors application form )የሚለውን ገጽ በማውረድ በቀላሉ አትማችሁ ማውጣት ትችላላችሁ። ወይም ቅዳሜ ከኮሚኒቲ ማእከል ማግኘት ትችላላችሁ። የሞላችሁትን ማመልከቻ የምንገናኝበት ማእከላችን ድረስ በመውሰድ ለነሲቡ ወይም ለማይክል መስጠት ትችላላችሁ። የቬንደሩን አግልግሎት ሙሉ መረጃና ምክር መላኩ ጸጋዬ ጋ በመደወል ማግኘት ይቻላል። ስልክ 778 322 9755 ።ላገልግሎታችሁ አይነት የምታሟሉትንም ህጋዊ ቅድመ ዝግጅት ከወዲሁ አውቃችሁ በጊዜ በማጠናቀቅ ተዘጋጁ። የድንኳኖች ኪራይ ዋጋም እዚያው ድረመስካችን ላይ ይገኛል።
ሌላው አጥብቀን የምናስተላልፈው መልእክት የበጎ ፍቃድ አገልግሎት የሚሰጡ ከ30-40 ድረስ ሰዎች ያስፈልጉናል። በምትችሉትና በምትፈልጉት የስራ አይነት ለመሳተፍ ፍቃደኛ የሆናችሁ ከዛሬ ጀምሮ መመዝገብ ትችላላችሁ። ሙሉ ስማችሁንና ስልካችሁን lulubiftu@yahoo.ca ወይም 604 515 0251 በመደወል ማስመዝገብ ትችላላችሁ። የበጋ ፌሽታችንን ከምንጊዜውም በበለጠ ሁኔታ ለማክበር በዝግጅት ላይ ነን። ከዝግጅቱ ጀምሮ ሁሉም ሰው እንዲሳተፍ ተጋብዟል። ባዛር 2017።